0
Самарқандда фуқароларни АҚШ ва Исроилга ишга юбормоқчи бўлганлар ушланди
Фирибгарлар фуқаролардан 18 500 ва 16 минг АҚШ доллар талаб қилган
Бош прокуратураси ҳузуридаги Иқтисодий жиноятларга қарши курашиш департаменти маълумотларига кўра, Пахтачи туманида ўтказилган тезкор тадбирда, фуқаро С.Р. фуқаро З.А.ни 18 500 АҚШ доллари эвазига Исроил давлатига ишга юборишини айтиб, олдиндан 12 000 АҚШ долларини олган вақтида ашёвий далиллар билан ушланган.
Шунингдек, Пайариқ туманида фуқаро Ф.Н. фуқаро М.А.нинг ишончига кириб, уни 16 000 АҚШ доллари эвазига АҚШга ишга юборишини айтиб, олдиндан 10 000 АҚШ долларини олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда.
