Фарғонадаги караокеда вафот этган фуқароларнинг ўлим сабаби маълум қилинди
Президент топшириғи билан воқеа жойига етиб борган Ҳукумат комиссияси ўрганиш ишларини олиб борди.
Аввалроқ Фарғона шаҳрида жойлашган караоке кафесида юз берган ёнғин оқибатида 6 нафар фуқаро ҳалок бўлгани ҳақида хабар берилганди.
ФВВ хабарига кўра, Бош вазир ўринбосари Ачилбай Раматов бошчилигида Ҳукумат комиссияси Фарғона шаҳрига етиб бориб, ўрганиш ишларини олиб борган.
Ўрганиш ишлари давомида дастлабки маълумотларга кўра, 6 нафар фуқаро ёнғиндан чиққан тутундан заҳарланиш оқибатида ҳалок бўлган. Суд-тиббий экспертизанинг дастлабки хулосаси ҳам буни тасдиқлаган.
Қайд этилишича, ҳукумат комиссияси ўз ишини давом эттирмоқда. Ҳодиса юзасидан қўшимча маълумот берилиши маълум қилинган.
