CNN телеканали Қрим кўпригига зарба берган Украина дронларини кўрсатди
Денгиз дрони 800 километргача масофани босиб ўтиши мумкин.
CNN телеканали Украина ҳарбий-денгиз кучларининг зарба берувчи учувчисиз денгиз дронларини синовдан ўтказаётган махфий базаси ҳақидаги репортажни эълон қилди. Аввалроқ Украинанинг бундай учувчисиз учоқлари оммага намойиш этилмаган.
Каналнинг таъкидлашича, денгиз дронининг шакли кенг каноэга ўхшайди, унинг узунлиги тахминан беш метрни ташкил қилади. Журналистлар томонидан ўрганилган дронларнинг сўнгги версиялари оғирлиги бир тоннагача, жангавор каллагининг оғирлиги эса 300 килограммгача бўлиши мумкин. Дрон 800 километргача масофани босиб ўтиши мумкин, максимал тезлиги эса соатига 80 километргача етади.
«Бундай кичик дронни топиш ва йўқ қилиш жуда мушкул», — деди дрон ишлаб чиқарувчиси.
Россиянинг Украинага кенг кўламли босқинидан сўнг денгиз учувчисиз қурилмалари устида иш бошланди, дейди анонимликни сўраган дрон ишлаб чиқарувчиси телеканалга.
Украина хавфсизлик хизматларидаги CNN манбаларига кўра, ҳарбий-денгиз кучларининг учувчисиз учоқлари аннекция қилинган Қримга ҳужумларда, жумладан, 2023 йил июлида Қрим кўпригига зарба беришда камида икки марта ишлатилган.
