Россия Ўзбекистонга 30 тонналик роботларни етказиб беради
Дунёда бу турдаги ускуналарни фақат иккита компания ишлаб чиқаради.
Москва мери Сергей Собяниннинг маълум қилишича, Россия тез орада Ўзбекистонга 30 тонналик учта кон роботини етказиб беради.
Собяниннинг таъкидлашича, дунёда бу турдаги ускуналарни фақат иккита компания, жумладан, улардан бири Россияда ишлаб чиқарилади.
Қайд этилишича, агрегат фойдали рудаларни, жумладан, олтин, темир, никелни қазиб олиш жараёнида катта тош бўлакларини майдалашга ёрдам беради ва масофадан бошқаришнинг илғор технологиялари: тўқнашув ва зарбадан ҳимоя қилиш тизими, автоматик тўхташ тизими билан жиҳозланган.
