Путин Украинадаги урушни тугатишни режалаштирмаяпти

 

Путин Украинадаги урушни тезроқ тугатишга ҳаракат қилмаяпти, балки бундан ҳам катта миқёсдаги жангларга тайёрланмоқда, деб ёзади Financial Times.

 

Нашр экспертлари сафарбарлик тартибинининг ўзгаришини Россия Федерациясига яна юз минглаб фуқароларини урушга жўнатиш имконини берувчи янги қонунлардан шундай хулосага келишмоқда.

 

«Путин потенциал сафарбар этилиши мумкин бўлган Россия инсон ресурслари Украинаникидан уч-тўрт баравар кўп, деб ҳисобламоқда ва ягона шошилинч вазифа бу ресурсдан ўз хоҳишига кўра фойдалана олиш: кўпроқ одамларни сафарбар қилиш, уларни қуроллантириш, уларни ўргатиб, жангга жўнатади», — деб ёзади газета.

 

Шунингдек, хабарда Россия Давлат Думасининг Мудофаа бўйича қўмитаси раҳбари Андрей Картаполовнинг сўзлари ҳам келтирилган: «Бу тузатишлар катта уруш ва умумий сафарбарлик учун ёзилган. Ва бу катта урушнинг ҳиди аллақачон сезилмоқда».

 

Кремлнинг ҳарбий ғазнаси энергия таъминоти туфайли ҳамон нақд пул билан тўлиб-тошмоқда, Россияда ҳарбий заводлар кечаю кундуз ишламоқда, Хитой ва бошқа давлатлар санкцияларни четлаб ўтиш учун микрочиплар етказиб бермоқда, дейди экспертлар..

 

Мутахассисларнинг фикрича, параллель тарзда Россия Украина иқтисодиётини бўғиб қўйишни режалаштирмоқда, чунки бугунги кунда Украина бюджети Ғарбдаги иттифоқчиларига боғлиқ. Экспертлар мисол қилиб ғалла бўйича келишувдан чиқиш ва фуқаролик инфратузилмасига ҳаво ҳужумларини келтиришган.

 

Кремль, шунингдек, Украинанинг Ғарб томонидан қўллаб-қувватланишини камайидҳини ҳам кутмоқда. Бунинг учун у куч таҳдидидан фойдаланмоқда. Жумладан, вагнерчилар ёрдамида можарони Беларус орқали НАТО ҳудудига кенгайтириш.