0
Тошкентдаги кўп қаватли уйларнинг бирида ёнғин содир бўлди
Ёнғин 16-қаватдаги хонадонда содир бўлган.
Тошкент шаҳар Яшнобод туманида жойлашган кўп қаватли уйларнинг бирида ёнғин содир бўлди, деб хабар бермоқда ФВВ. Қайд этилишича, бугун, 1 август куни соат 11:25 да Тошкент шаҳар Яшнобод тумани «Боғбон» МФЙ Нормухаммедов мавзесида жойлашган кўп қаватли уйларнинг бирида ёнғин содир бўлаётгани тўғрисида ФВБга хабар келиб тушган.
Шунга кўра, 3 та ёнғин-қутқарув экипажи ва 1 та автонарвон соат 11:32 да воқеа жойига етиб бориб, ёнғин соат 11:41 да тўлиқ бартараф этилган. Ёнғин натижасида юқори қаватдаги хонадон балконида турган 2 квадрат метр майдонда уй-жиҳозлари ёниб зарарланган.
Ҳодиса оқибатида тан жароҳати олган ва ҳалок бўлганлар йўқлиги маълум қилинган.
