Фақат мен учинчи жаҳон урушининг олдини оламан—Трамп
Собиқ АҚШ президенти Украинадаги можарони бир кунда ҳал қилишини айтди.
АҚШнинг собиқ президенти Доналд Трамп фақат у Америка маъмурияти раҳбари сифатида учинчи жаҳон урушининг олдини олиши мумкинлигини айтди.
“Мен учинчи жаҳон урушининг олдини оламан”, деди у Жанубий Каролинада АҚШ Республикачилар партиясининг тадбирида.
Трамп келаси йилнинг ноябрь президент лавозимга сайланса, Украинадаги можарони тинч йўл билан ҳал қила олишини таъкидлади.
“Биз дарҳол келишувга эришамиз ва буни у ёки бу томон учун эмас, балки адолат учун қиламиз”, — дея қўшимча қилди сиёсатчи.
Аввалроқ Трамп АҚШнинг амалдаги президенти Жо Байден Украинага нисбатан сиёсати билан инсониятни учинчи жаҳон уруши сари бошлаётганини бир неча бор таъкидлаган эди.
