Х ижтимоий тармоғи сабаб жабрланганларга ҳақ тўланади
Бу ҳақда Илон Маск маълум қилди.
Америкалик тадбиркор Илон Маск Х ижтимоий тармоғида (собиқ Твиттер) постлар жойлагани ёки лайк босгани учун ўз иш берувчиларидан ноҳақ жабрланганларга ёрдам кўрсатишини айтди.
У ҳар қандай харажатларни тўлашга тайёрлигини билдирган.
“Агар ушбу платформада бирор нарса жойлаштирганингиз ёки лайкингиз учун иш берувчингиз сизга ноҳақлик қилган бўлса, биз сизнинг қонуний ҳисобингизни тўлаймиз. Чеклов йўқ”, — деб ёзган Маск Х ижтимоий тармоғида.
Эслатиб ўтамиз, Маск июль ойида тармоқда ребрендинг амалга оширди, Твиттер логотипи Х га ўзгартирилди.
