Иқтисодиёт ва молия вазирлигида янги тайинловлар амалга оширилди
Вазирнинг икки ўринбосари Тошкент вилояти туманларига ҳоким этиб тайинланиши кутилмоқда.
ЎзАнинг хабар беришича:
Илҳом Норқулов вазирнинг биринчи ўринбосари этиб тайинланган. У бунга қадар вазир ўринбосари эди;
Аҳадбек Ҳайдаров вазир ўринбосари этиб тайинланган, бунга қадар у қишлоқ хўжалиги вазири ўринбосари эди;
Абдулазиз Ҳайдаров вазир ўринбосари этиб тайинланган, у бунга қадар Пенсия жамғармаси директори эди;
Отабек Фозилкаримов вазир ўринбосари этиб тайинланган, у бунга қадар соғлиқни сақлаш вазири ўринбосари эди;
Бобур Ходжаев вазир ўринбосари этиб тайинланган, у бунга қадар Президент Администрациясида шўба мудири эди;
Шунингдек, Жасур Қаршибоев ҳам вазир ўринбосари этиб тайинланган. Аввал у вазирликда Давлат ички ва ташқи қарз департаменти директори бўлиб ишлаганди;
Мурод Атаджанов Ғазначилик хизмати қўмитаси раиси этиб тайинланган;
вазир ўринбосарлари Эркин Рустамов ва Дилшод Султанов Тошкент вилояти туманларига ҳоким этиб тайинланмоқда.
