0
Тошкентда қиз болага тегажоғлик қилган йигит 10 йилга қамалди
Олий суд бу бўйича маълумот берди.
Тошкентда кўчада кетаётган қизга тегажоғлик қилган 1997 йилда туғилган йигит суд ҳукми ўқилди. Бу ҳақда Олий суд матбуот хизмати хабар берди.
Таъкидланишича, ушбу жиноят иши жиноят ишлари бўйича Миробод туман судининг раиси С. Содиқов раислигида Жиноят-процессуал кодексининг 19-моддаси (судда жиноят ишларининг ошкора кўрилиши) талабларига мувофиқ ёпиқ суд мажлисида кўриб чиқилди.
Эълон қилинган суд ҳукмига мувофиқ айбланувчи Жиноят кодексининг 25,118-моддаси (номусга тегишга суиқасд қилиш) 3-қисми «а» бандида назарда тутилган жиноятни содир этганликда айбли деб топилиб, унга 10 йил муддатга озодликдан маҳрум қилиш жазоси тайинланди.
Тайинланган жазони умумий тартибли колонияда ўташ белгиланган.
