0
Тошкентда Malibu 74 ёшли фуқарони уриб юборди
Ҳодиса оқибатида пиёда воқеа жойида вафот этган.
Кеча, 8 август куни Тошкент шаҳрининг Яккасарой туманида одам ўлими билан боғлиқ йўл-транспорт ҳодисаси содир бўлди. Бу ҳақда шаҳар ИИББ ЙҲХБ маълум қилди.
Ҳолат соат 23.50 ларда Яккасарой тумани Кичик ҳалқа автомобиль йўли кўчаси 1-уй қаршисида юз берган. 2002 йилда туғилган Ш.Ғ. Malibu-2 русумли автомашинасини бошқариб кетаётиб, йўлнинг белгиланмаган қисмидан кесиб ўтаётган пиёда — 1949 йилда туғилган M.Ҳ.ни уриб юборган
ЙТҲ оқибатида пиёда тан жароҳатлари олиб, воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган. Тергов давом этмоқда.
