Финляндия АҚШ билан мудофаа соҳасида музокаралар олиб бормоқда
Унга кўра, Америка қўшинлари мамлакатда узоқ муддат қолади.
Финляндия расмийлари АҚШ билан мудофаа бўйича янги шартнома тузмоқчи, бу эса америкалик ҳарбийларга мамлакатда узоқ муддат қолиш имконини беради.
Ҳозирда янги келишув бўйича музокаралар олиб борилмоқда. Битим тузилса, Финляндия ўз ҳудудида одатдаги ҳарбий машғулотлардан кўра узоқроқ муддатга хорижий қўшинларнинг бўлишига рухсат беради.
Агар келишувга эришилса, америкалик ҳарбийлар Финляндиядаги маълум объектлардан машғулотлар, қуролларни сақлаш, жиҳозларга техник хизмат кўрсатиш ва ҳоказолар учун фойдаланиш имкониятига эга бўлади.
“АҚШ қўшинлари ихтиёрида, эҳтимол, камида битта аэропорт ва порт, шунингдек, машғулот зонаси бўлади”, — дейилади хабарда.
