Хитойда тошқин қурбонлари сони 76 кишига етди
Пекин ва Хебей провинциясида вазият оғир.
Хитойнинг Хебей провинциясида кучли сув тошқини қурбонлари сони 29 кишига етди, 16 киши бедарак йўқолди, дея хабар бермоқда маҳаллий ОАВ.
Июль ойи охирида Хитойнинг шимолий ҳудудларида кучли ёғингарчилик бошланди. Пекин ва унга яқин жойлашган Хебей провинцияси ўтган ҳафтадан буён ёмон об-ҳаво таъсиридан азият чекмоқда. Пойтахтда ёғингарчилик миқдори 140 йиллик кузатувлар давридаги рекорд даражада эди.
Пекиндаги сув тошқини қурбонлари сони ҳозирда 33 кишини ташкил этмоқда, 18 киши бедарак йўқолган. Умуман олганда, метрополда 1,29 миллион аҳоли сув тошқинидан жабр кўрган, 59 минг уй қулаган, яна 147 минг киши жиддий зарар кўрган. Бундан ташқари, маҳаллий ОАВ Россия билан чегарадош Жилин провинциясида 14 киши сув тошқини қурбони бўлганини хабар қилди.
