Тошкентда йўл ҳаракати қоидаларини бузилишига оид статистика эълон қилинди
Август ойининг дастлабки ўн кунлигида пойтахтда 17 мингга яқин қоидабузариклар аниқланган.
Тошкент шаҳар ИИББ ЙҲХБ маълумотларига кўра, жорий йилнинг 1-10 август кунлари давомида пойтахтда жами 16 449 та қоидабузариклар аниқланган бўлиб, шундан 5 888 таси қўпол қоидабузариклардир. Шунингдек, жумладан:
-
Транспорт воситаларини маст ҳолда бошқариш 91 та;
-
Транспорт воситаларини тегишли ҳужжатларсиз бошқариш 714 та;
-
Транспорт воситасини бошқариш вақтида ҳайдовчиларнинг телефондан фойдаланиши 379 та;
-
Светофор талабларига риоя қилмаслик 213 та;
-
Одам ташиш қоидасини бузиш 511 та;
-
Қувиб ўтиш қоидасини бузиш 197 та;
-
Авария ҳолатини юзага келтириш 34 та;
-
ИИОлари ходимининг қонуний талабларини бажармаслик 50 та.
Қайд этилишича, 3 599 нафар қоидабузар пиёдаларга нисбатан маъмурий баённома расмийлаштирилган. Бундан ташқари мазкур давр давомида 35 та йўл-транспорт ҳодисаси қайд этилган бўлиб, шундан 28 таси пиёдалар билан боғлиқ.
Шунингдек, Тошкент шаҳар ИИББ ҳамда ЙҲХБ ходимлари томонидан 22 та гиёҳвандлик воситалари, 198 та совуқ қурол ва 3 та пневматик қурол билан боғлиқ ноқонуний ҳаракатларга чек қўйилган.
