Журналистни калтаклаган масъул ишдан бўшатилди
Ҳолатга “Ўзбекистон темир йўллари” АЖ изоҳ берди.
Аввалроқ Тошкент шаҳрида ЗўрТВ телеканали мухбири ва тасвирчиси «Кўприкқурилиш» корхонаси ходими томонидан калтаклангани хабар қилинганди. Ҳолат юзасидан “Ўзбекистон темир йўллари” АЖ расмий муносабат билдирди.
Қайд этилишича, мазкур ҳолат юзасидан зудлик билан ишчи гуруҳ тузилиб, бугуннин гўзида «Кўприкқурилиш» трести унитар корхонаси 67-Кўприкқурилиш отряди иш бошқарувчиси Н.Эшниязов Меҳнат кодексининг тегишли бандларига асосан ишдан бўшатилган.
“Ўзбекистон темир йўллари” АЖ раҳбарияти ҳолат юзасидан ҳуқуқ-тартибот органлари қонунчилик нормаларига асосан тегишли чоралар кўришини қўллаб-қувватлашини билдирган.
