Тошкентда автобус ЙТҲга учраб, 4 киши жароҳатланди
Жароҳатланганлар орасида 2 ёшли бола ҳам бор.
Бугун, 14 август куни Тошкент шаҳрининг Сергели туманида автобус йўл-транспорт ҳодисасига учради. Бу ҳақда шаҳар ИИББ ЙҲХБ маълумот берди.
Ҳолат соат 15:40 ларда Сергели тумани 4P-21 йўлининг 5-километрида юз берган. 1973 йилда туғилган И.Б. Saz-Le 60 русумли автобусни бошқариб келаётиб руль бошқарувини йўқотган ва бетон устунга бориб урилган.
ЙТҲ оқибатида автобус ҳайдовчиси ва 3 нафар йўловчилар — 1983 йилда туғилган Б.Ф., 2021 йилда туғилган M.A., 2012 йилда туғилган A.Ф.лар тан жароҳат олиб, шифохонага мурожаат қилган.
Ҳолат юзасидан Тошкент шаҳар ИИББ ЙҲХБ ходимлари томонидан суриштирув ҳаракатлари олиб борилмоқда.
