0
Журналистни калтаклаган шахсга жиноят иши очилди
Ҳозирда ҳолат юзасидан тергов ўтказилмоқда.
Аввалроқ Тошкент шаҳрида Zoʼr ТV телеканали мухбири ва тасвирчиси “Кўприкқурилиш” корхонаси ходими томонидан калтаклангани, шундан сўнг ходим ишдан бўшатилгани хабар қилинганди.
ИИВ матбуот котиби Шоҳруҳ Ғиёсовнинг хабар беришича, ҳозирда ҳолат юзасидан жиноят иши қўзғатилган.
“Zoʼr ТV телерадиокомпанияси ходимларига тан жароҳати етказилганлиги ҳолати юзасидан ИИВ Транспорт ва туризм объектларида хавфсизликни таъминлаш департаменти томонидан Жиноят кодексининг 277-моддаси 1-қисми билан жиноят иши қўзғатилиб, тергов ҳаракатлари олиб борилмоқда”, — дейилади хабарда.
