0
Грузияда кўчки қурбонлари сони ошмоқда
Офат зонасида ҳамон бедарак йўқолганлар бор.
Грузиянинг Шови курортидаги кўчки қурбонлари сони 26 кишига етди. Охирги марҳумнинг жасади қидирув ишларининг 13-кунида топилди. 7 киши ҳамон бедарак йўқолганлар рўйхатида қолмоқда.
Табиий офат эпицентри ва яқин атрофдаги дарёлар ўзанларида қидирув-қутқарув ишлари жадал олиб борилмоқда. Жараёнга оғир ва сув техникаси жалб қилинган, деб хабар беради Грузия Ички ишлар вазирлиги.
Эслатиб ўтамиз, 3 август куни кучли ёмғир сабабли Шови курортида кўчки юз берганди. Қутқарувчилар вертолётда 200 дан ортиқ одамни хавфсиз жойга олиб чиқишга муваффақ бўлди.
