Қашқадарёда 1,4 минг гектар томорқа сув билан барқарор таъминланади
Саида Мирзиёева Қашқадарёда сув таъминотини яхшилаш масалаларига эътибор қаратди.
Саида Мирзиёева Қашқадарё вилоятини ижтимоий-иқтисодий ривожлантириш бўйича амалга оширилаётган ишлар билан танишди.
Унинг таъкидлашича, ҳудудда олиб борилаётган ишлар натижасини, энг аввало, одамлар кундалик ҳаётида ҳис қилиши керак.
Вилоятдаги долзарб масалалардан бири бўлган сув таъминотига алоҳида эътибор қаратилди. Шу доирада Қарши шаҳридаги “Чап тармоқ” каналини бетонлаштириш ва унинг атрофини ободонлаштириш ишлари бошланади. Бу 1,4 минг гектар томорқа ерларини сув билан барқарор таъминлашга хизмат қилади.
Шунингдек, канал бўйида тўртта маҳаллада яшовчи 25 минг аҳоли учун куну тун фаолият юритадиган дам олиш ва сайр масканлари барпо этилади.
