Европа давлатлари Украинага антидрон қуроллар учун маблағ ажратди
Томонлар ўртасида 115 миллион долларлик шартнома имзоланди.
Буюк Британия бошчилигидаги Европа давлатлари гуруҳи жума куни Украинага ҳаво ҳужумидан мудофаа тизимлари ва жиҳозларини 90 миллион фунт стерлинг (115 миллион доллар) етказиб беришини эълон қилди.
Бу сумма Норвегиянинг Конгсберг мудофаа компанияси билан учувчисиз учиш аппаратларини аниқлаш ва йўқ қилишга мўлжалланган Cortex Typhon ғилдиракли ҳаво мудофаа тизимларини етказиб бериш бўйича 56 миллион фунт стерлинг шартномани ўз ичига олади.
Аввалроқ, ишлаб чиқарувчининг ўзи ҳам худди шундай хабар берган эди. Унинг сўзларига кўра, Украинага, шу қаторда, кенг кўламли дронларга қарши туриш учун мўлжалланган ва жисмоний зарар етказиши ёки ҳаво таҳдидини ўчириб қўйиши мумкин бўлган бир нечта Cortex Typhon тизимлари совға қилинади.
“Ушбу ҳаво ҳужумидан мудофаа тизимлари Украина фуқаролари ва инфратузилмасини ҳимоя қилиш учун ҳам, фронтда фойдаланиш учун ҳам тезкор жойлашиш қобилияти ва мослашувчанлигига эга”, — деди Британия Мудофаа вазири Бен Уоллес.
