Тошкент метрополитенининг айрим бекатлари ёпилади
Бунга нима сабаб бўлиши очиқланди.
Тошкент Метрополитени ДУКнинг маълум қилишича, жорий йилнинг 26 август кунидан бошлаб "Юнусобод" йўналишининг "Юнусобод" ва "Туркистон" бекатлари режали профилактик ишлар сабабли 4 ой муддатга ёпилади.
Мазкур йўналишдаги поездлар "Шаҳристон" ва "Минг Ўрик" бекатлари оралиғида одатий ҳаракатларини давом эттиради, юзага келиши мумкин бўлган ноқулайликнинг олдини олиш учун эса "Шаҳристон" - "Юнусобод" - "Туркистон" оралиғида бепул автобуслар ҳаракати йўлга қўйилади ва уларнинг кунлик иш вақти тонгги соат 6:00 дан тунги соат 00:00 га қадар этиб белгиланади.
Маълумот учун, 2002 йилда "Юнусобод" йўналишидаги бекатлар айнан шундай сабаблар билан 3 ой муддатга ёпилган.
