Африка иттифоқи Нигерни ташкилотдан чиқариб юборди

 

Африка иттифоқи сешанба куни Нигердаги яқинда рўй берган ҳарбий тўнтаришни қоралаб, Нигернинг ташкилотдаги аъзолигини тўхтатиш тўғрисидаги қарор эълон қилди, дея хабар берди Xinhuа агентлиги.

 

Баёнотда қайд этилишича, БМТ Тинчлик ва хавфсизлик кенгаши яқинда бўлиб ўтган йиғилишда Нигердаги вазиятни муҳокама қилган. У 26 июлдаги давлат тўнтаришини қоралаб, Нигер қуролли кучларини мамлакат ва халқ манфаатларини биринчи ўринга қўйишга, зудлик билан ва сўзсиз ҳарбий лагерларга қайтишга чақирди.

 

Бирлашган Миллатлар Ташкилотининг Тинчлик ва хавфсизлик кенгаши Нигернинг мамлакатда конституциявий тузум самарали тикланмагунча, БМТ ва унинг институтларининг барча фаолиятидаги иштирокини зудлик билан тўхтатишга қарор қилди, дейилади баёнотда.

 

Шунингдек, БМТ Ғарбий Африка давлатлари иқтисодий ҳамжамиятининг (ЭКОВАС) Нигерда конституциявий тартибни дипломатик йўллар билан тиклаш бўйича олиб борилаётган саъй-ҳаракатларини тўлиқ қўллаб-қувватлаши қайд этилган.

 

Маълумот учун: жорий йилнинг 26 июль куни Нигер Президент гвардияси отряди мамлакат президенти Муҳаммад Базумни ҳибсга олди. Ўша оқшом давлат тўнтариши иштирокчилари давлат телевидениеси орқали Ватан мудофааси бўйича Миллий кенгаш ташкил этилгани, Базум президентликдан четлаштирилиб, ҳокимият ҳарбийларга ўтгани ҳақида эълон қилди.

 

Улар, шунингдек, конституция ва барча давлат институтлари фаолияти тўхтатилгани ва Африканинг ғарбий қисмидаги мамлакат чегаралари ёпилганини эълон қилди. Нигер чет эл давлатларининг ҳарбий аралашуви таҳдидини баҳона қилиб, мамлакат устидаги ҳаво ҳудудини ёпди. Африканинг Нигер давлатида рўй бераётган воқеалар жаҳон оммавий ахборот воситаларининг диққат марказида. Қизиқишнинг ортиши Нигерда асосан Европа Иттифоқи томонидан импорт қилинадиган ураннинг катта захираларига эга экани, шунингдек, Саҳел минтақасидаги умумий хавфсизлик ҳолати билан боғлиқ.