«Барби» «Гарри Поттер»дан ўзиб кетди
У “Warner Bros” кинокомпаниясининг энг даромадли фильмига айланди.
Ўтган ҳафта якунига кўра, “Барби” филми АҚШда яна 18,2 миллион доллар ишлаб, ўз минтақасида 594 миллион доллар миқдорида маблағ йиғди. Шимолий Америкадан ташқарида эса фильм кассаси 745 миллион доллардан ошди. Кинокартинанинг умумий маблағи 1,34 миллиард долларни ташкил этди.
Шу тариқа “Барби” “Warner Bros” тарихидаги энг кўп даромад келтирган фильмга айланди. “Гарри Поттер ва Ажал туҳфалари: 2-қисм” бу рейтингни 12 йилдан бери 1,31 миллиард доллар натижа билан ушлаб турган эди.
“Warner Bros” тарихидаги энг кўп даромад келтирган фильмларни эслатиб ўтамиз:
✅"Барби" (2023) – 1,34 миллиард доллар;
✅"Гарри Поттер ва Ажал туҳфалари": 2-қисм (2011) – 1,31 миллиард доллар;
✅"Аквамен" (Сув ўғлони) (2018) – 1,14 миллиард доллар;
✅"Қора рицар: Афсонанинг туғилиши" (2012) – 1,08 миллиард доллар;
✅"Жокер" (2019) – 1,06 миллиард доллар;
✅"Ҳоббит: Кутилмаган саёҳат" (2012) – 1,01 миллиард доллар;
✅"Қора рицар" (2008) - 998 миллион доллар;
✅"Гарри Поттер ва фалсафа тоши" (2001) – 965 миллион доллар;
✅"Ҳоббит 2: Смауг вайронаси" (2013) – 959 миллион доллар;
✅"Гарри Поттер ва Ажал туҳфалари": 1-қисм (2010) – 951 миллион доллар.
