"Тошкент — Марказий Осиёнинг кино ва продюсерлик пойтахтига айланади"

 

 

"Selluloid Junkiye"нашри журналисти Марк Лоу Хитчинг Тошкент кинофестивали ҳақидаги фикрлари билан бўлишди:

 

— Фестивал қизиқарли воқеаларга бой бўлди. Энди Кевин Спейсининг олдига яқинлашиб бўлмайди. Лекин нега одамлар жаноб Спейсидан Ўзбекистон ёки фестивалнинг ўзи ҳақидаги таассуротларни эмас, қандай қилиб режиссёр ёки актёр бўлишни сўрашлари менга қизиқ бўлди, - деди журналист. - Фестивал ҳақида гапирадиган бўлсак, унда ҳамма нарса жуда чиройли: саҳна, ёруғлик, овоз. Тошкент жуда самимий ва ёрдамга шай одамлар шаҳри эканлигини англадим.

 

Ўзбекистон янги бизнес, янги инвестицияларга очиқ. Бу мамлакат Лондон, Ню-Ёрк, Голливуд, Болливуддан продюсерларни олиб келмоқчи ва улар буни яхши уддалашмоқда. Умид қиламанки, йилдан-йилга тадбир яна-да яхшироқ ташкил қилинади. Тез орада янги инвестициялар асосида студиялар қурилади ва янги технологиялар пайдо бўлади, бу соҳа катта кучга айланади. Ва мен янги лойиҳалар ҳаётга татбиқ қилинишини сабрсизлик билан кутаман, чунки янги студиялар улкан креатив ғоялар майдонига айланади. Тошкент нафақат Ўзбекистоннинг, балки бутун Марказий Осиёнинг кино ва продюсерлик пойтахтига айланади. 

 

Бу йил Ўзбекистонга жаҳон кино саноатининг йирик намоёндалари келди. Ўйлайманки, фестивал ташкил этиш бўйича тажриба ортди ва келгуси йил улар яна-да кўпроқ таниқли инсонларни олиб келишлари мумкин. Менга "Кино 5 кун ичида" ғояси ёқди, бу ёш киноижодкорлар учун ажойиб ғоя ва янгиликдир. Аммо келажакда мен инглиз ва франтсуз режиссёрларининг қисқа метражли филмлари премераларини кўришни истардим. Қандай бўлмасин, мен ажойиб одамлардан келадиган энергияни ҳис қилдим ва севиб қолдим. Улар жуда яхши ишни бошлашган.