АҚШ Хитойга экспорт чекловларини кучайтиради
Бу, айниқса, технология экпортига тааллуқли.
АҚШ Президенти Жо Байден маъмурияти Хитой технология экспортига чекловлар жорий қилмоқчи. Расмий Пекин аллақачон огоҳлантириш олган.
Қайд этилишича, экспортни назорат қилувчи АҚШ Савдо вазирлиги чекловларни янгилаш устида ишламоқда.
Хитой эса мамлакатдаги жараёнларни секинлаштириш мақсадида АҚШ миллий хавфсизлик консепсиясининг ҳаддан ташқари кенгайтирилишига қатъий қарши эканини айтди.
Эслатиб ўтамиз, аввалроқ АҚШ Президенти Жо Байден Хитой технология саноатига, хусусан, яримўътказгичлар, микроелектроника, квант технологиялари ва сунъий интеллектни ривожлантиришга сармоя киритишни чекловчи фармонни имзолаган эди.
Ўтган йилнинг октябрь ойида Қўшма Штатлар Хитойга қурол ишлаб чиқаришда Америка технологиясидан фойдаланишига йўл қўймаслик учун яримўътказгичлар ва уларни ишлаб чиқариш учун ускуналар етказиб беришни чеклаганди.
