Хантер Байден айбловларни тан олмади
Делавер суди унга қурол билан боғлиқ айблов қўйган.
Уилмингтонда Америка етакчисининг ўғли иши бўйича дастлабки эшитувлар бўлиб ўтди.
Айбловлар судья томонидан ўқиб чиқилгандан сўнг, кичик Байден ўқотар қуролларни сотиб олиш ва сақлаш билан боғлиқ учта моддани бузганликда айбдор эмаслигини айтди.
Тахминан 30 дақиқа давом этган суд мажлиси судгача озодлик шартлари эълон қилиниши билан якунланди. У қурол билан ўзаро алоқада бўлмаслиги, спиртли ичимликлар ёки гиёҳванд моддаларни истеъмол қилмаслиги керак. Шунингдек, кичик Байден шартли равишда озодликдан маҳрум қилиш офицерининг назорати остида бўлиши, меҳнат фаолияти билан шуғулланиши ва ҳокимиятнинг биринчи илтимосига биноан гиёҳванд моддаларни текшириш ёки даволанишга тайёр бўлиши керак.
Терговчиларнинг тахминига кўра, 2018-йилда Хантер тўппонча сотиб олаётганда нотўғри маълумот бериб, гиёҳванд моддаларни истеъмол қилганини рад этган. Гарчи одатда биринчи марта жиноят содир этганларга қамоқ жазоси тайинланмаса-да, уни 750 минг доллар жарима ва 25 йил қамоқ жазоси кутмоқда.
