13 мингдан зиёд ўзбекистонлик АҚШга ноқонуний киришга уринган
Ўзбекистонликлар дунёда АҚШ чегарасини ноқонуний кесиб ўтиш бўйича учинчи ўринда қайд этилган.
АҚШда ўтган икки йил давомида чегарани ноқонуний бузиб кирмоқчи бўлган Ўзбекистон фуқароларининг сони 13 мингдан ошган.
Маълумот берилишича, 2021 йил октябрдан 2023 йил октябригача АҚШга 10 минглаб одамлар чегарани ноқонуний бузиб, киришга уринган. АҚШнинг Миллий хавфсизлик департаменти террорчи ва жиноятчилар ушбу мамлакатга кириш учун турли йўлларни излаб топишлари ва бу мамлакат хавфсизлигига таҳдид қилишидан хавотирдалигини билдирган. Махсус кучлар террорчиликда гумонланган икки нафар Ливан фуқаросини қўлга олиш жараёнида "минглаб махсус манфаатдор чет элликлар"га дуч келган.
Қайд этилишича, ноқонуний равишда Мексика орқали АҚШга киришга уринган энг кўп аҳоли Туркия фуқаролари бўлиб, уларнинг сони 30 380 нафарни ташкил қилади. Шунингдек, қуйидаги давлат фуқаролари ҳам етакчи ўринларда:
Мавритания – 15 594
Ўзбекистон – 13 624
Афғонистон – 6386
Покистон – 1623
Ливан –164
Иордания – 185
Яман – 139
Ироқ – 123
Ушбу рақамларга мамлакат ҳудудига киришга муваффақ бўлган ва портлардан ўтиб кетганлар киритилмаган. Манбаларга кўра, Байден бошқаруви даврида АҚШга 1,5 миллиондан ортиқ "қочқин" киришга муваффақ бўлган.
