Фаластин раҳбари Байден билан учрашувни бекор қилди
Иордания ҳам АҚШ президенти иштирокидаги саммитда қатнашмайди.
Фаластин маъмурияти раҳбари Маҳмуд Аббос Ғазодаги шифохонага ракета ҳужумидан сўнг АҚШ президенти Жо Байден билан режалаштирилган учрашувни бекор қилди.
Қайд этилишича, Аббос пойтахт Рамаллоҳга қайтиб, Фаластин раҳбариятини зудлик билан йиғилишга чақирган.
Шунингдек, Иордания АҚШ президенти Жо Байден иштирокида 18 октябрь куни ўтказилиши режалаштирилган саммитни бекор қилди.
Иордания Ташқи ишлар вазирлиги баёнотидан сўнг Оқ уй Байденнинг бу мамлакатга ташрифи бекор қилинганини эълон қилган.
Хабарингиз бор, Байден бугун, 18 октябрь куни Исроилга ташриф буюриши режалаштирилган. Шу куни у Иордания мезбонлик қилишни режалаштираётган саммитда иштирок этиши керак эди.
