Дунёдаги энг кучли университетлар рейтинги маълум қилинди

 

Times Higher Education (ТHE) томонидан 2024 йил учун жаҳон университетлари рейтинги эълон қилинди. Мутахассислар Хитой университетларининг жадал ривожланишини қайд этмоқда.

 

Яқинда тақдим этилган этилган THE World University Rankings-2024 маълумотларига кўра, Оксфорд университети саккиз йилдан буён дунёнинг энг яхши университетлари рейтингида биринчи ўринни эгаллаб турибди.

 

Биринчи ўнталикда Гарвард (4-ўрин) ва Кембриж (5-ўрин) ҳали ҳам жадвалнинг юқори қисмида жойлашган.

 

Бироқ кучли бешталик ўринлари бироз ўзгарди, Стенфорд 2023 йилдаги учинчи ўриндан бу йилги рейтингда иккинчи ўринга, Массачусет Технология институти 2023 йилдаги бешинчи ўриндан учинчи ўринга кўтарилди.

 

Жорий йилда АҚШ ва Буюк Британия ҳамда Европа университетлари позисияларида сезиларли даражада пасайиш кузатилди. Айни пайтда Осиёдаги университетлар, айниқса, Хитойдаги олий таълим муассасалари ўсишда давом этмоқда.

 

Синхуа (12) ва Пекин (14) университетлари рейтингда Пенсилвания, Жон Хопкинс ва Колумбия университетларини ортда қолдирди.

 

Япониянинг Токио университети Осиёнинг ўсиб бораётган академик таъсири тенденциясини давом эттириб, Эдинбург университети, Лондон Кингс коллежи ва Лондон иқтисодиёт ва сиёсий фанлар академиясини ортда қолдириб, 10 поғона юқорилади ва 29-ўринга кўтарилди.

 

Олти йиллик маълумотлар таҳлили шуни кўрсатдики, АҚШ университетларининг ўртача рейтинги 2019 йилгига қараганда 296-ўриндан сўнгги таснифда 348-ўринга тушиб кетган. Буюк Британиянинг ўртача рейтинги ҳам сезиралри даражада – 451 дан 477 гача пасайгани кузатилган.