"Вашингтон – дунёдаги энг хавфли пойтахт"
Трамп сайловда ғолиб чиқса, шаҳарни қайта тиклашга ваъда берди.
АҚШ собиқ Президенти Доналд Трамп ижтимоий тармоқдаги саҳифасида Вашингтонни дунёдаги энг хавфли пойтахт, деб атади.
"Вашингтон кир, жиноятга тўла ўлим тузоғига айланди. Ҳозир, назаримда, бу шаҳар ер юзидаги энг хавфли пойтахт", - деб ёзган у.
Трамп сайловда ғолиб чиқса, шаҳарни “тозалаш, таъмирлаш ва қайта тиклаш”га ваъда берди.
Аввалроқ собиқ давлат раҳбари Жо Байден маъмуриятини миграция сиёсати билан АҚШни “ахлатхонага айлантирган”и учун танқид қилиб, “Пойтахт уйсизлар, гиёҳвандлар ва хавфли жиноятчилар билан тўлиб кетди”, дея таъкидлаганди.
