БМТ: Ғазо секторида ичимлик суви тугаб бормоқда
Кунига камида икки литр суюқлик ичиш тавсия қилиниши ҳисобга олинса, импорт қилинадиган сув 22 минг кишига — фақат бир кунга етади, холос.
БМТ халқаро ҳамжамиятни Ғазо секторидаги ичимлик суви билан боғлиқ ҳалокатли вазиятга зудлик билан эътибор қаратишга чақирди.
Шанба куни Рафаҳ ўтиш жойи орқали Ғазога кирган 20 та юк машинаси орасида иккитаси UNICEF томонидан жами 44,000 литрли шиша идишда сув етказиб берган.
Кунига камида икки литр суюқлик ичиш тавсия қилиниши ҳисобга олинса, импорт қилинадиган сув 22 минг кишига фақат бир кун етади, бу Ғазо сектори аҳолисининг атиги 1 фоизини ташкил қилади.
Якшанба куни Ғазога чекланган миқдордаги сув идишлари ҳам олиб келинган, аммо бу яқинлашиб келаётган фалокатни бартараф этишга ёрдам бермайди.
БМТ ҳисоботида қайд этилганидек, ҳалокатли сув танқислиги ёқилғи тақчиллиги билан янада оғирлашмоқда, чунки уларсиз Ғазода жойлашган тузсизлантириш заводлари ва сув насослари ишлай олмайди — Ғазо касалхоналарида икки ҳафтадан бери ишламаётган генераторлар ҳақида гапирмаса ҳам бўлади.
