АҚШнинг атом сув ости кемаси Яқин Шарққа етиб келди
Бу ҳақда мамлакат Марказий қўмондонлиги маълум қилди.
Американинг Огаё тоифасидаги ядро сув ости кемаси Яқин Шарққа етиб келди. Бу ҳақда мамлакат Марказий қўмондонлиги маълум қилди.
“Огаё тоифасидаги сув ости кемаси АҚШ Марказий қўмондонлигининг масъулият ҳудудига етиб келди”, — дейилади хабарда.
АҚШ Марказий қўмондонлигига Яқин Шарқ, Шарқий Африка ва Марказий Осиё киради.
Эслатиб ўтамиз, Исроилнинг ҲАМАС билан уруши фонида Қўшма Штатлар минтақада ҳарбий кучларини кўпайтиришни бошлаган. Октябрь ойи бошида АҚШнинг Жералд Форд самолёт ташувчи кемаси ва унинг эскорт кемалари Ўрта ер денгизининг шарқий қисмига етиб келди. Кейинчалик минтақага яна бир самолёт ташувчиси Дуайт Эйзенхауер юборилди.
Шунингдек, АҚШ ҳарбийлари Исроил қирғоқларига денгиз тезкор кучларини жўнатган.
