Круиз кемасида бўлган 100 га яқин меҳмон жароҳат олди
Лайнер бўронга дуч келган.
Бискай кўрфазидаги бўронлар оқибатида круиз кемаси бортида бўлган юзга яқин меҳмон жароҳат олди ва улардан 5 нафарининг аҳволи оғир.
"Spirit of Dissovery" кемаси Канар ороллари бўйлаб 14 кунлик саёҳатда эди. Аммо йўлда у ноқулай об-ҳаво шароитларига дуч келди. Лас-Пальмас портига режалаштирилган ташриф бекор қилиниб, унинг ўрнига лайнер Ла Коронага йўл олди, аммо у ердаги порт ёпилган эди.
Шундан сўнг, кема экипажи саёҳат бошланган Буюк Британияга қайтишга қарор қилди. Ёмон об-ҳаво туфайли кема бирдан тўхтаб, чапга эгилиб қолган.
Компания раҳбарияти сафар давомида жабрланганларнинг барчасидан узр сўради.
