Покистонда минглаб одамлар ифлос ҳаводан касалланди
Ҳозирда мактаблар ва бозорлар ёпилган.
Покистон шарқида жойлашган Лаҳор шаҳри қалин ва кучли тутун билан қопланган. Минглаб одамларнинг заҳарли ҳаво туфайли саломатлиги ёмонлашди.
Заҳарли ҳаво туфайли расмийлар мактаблар, бозорлар ва боғларни тўрт кунга ёпди.
Шифокорлар маҳаллий аҳолига ҳимоя ниқобисиз ташқарига чиқмасликни, иложи бўлса уйларини тарк этмасликни маслаҳат беришмоқда.
Ифлосланишнинг асосий сабаби кузги буғдой экиш мавсуми бошида далаларни ёқишдир.
Шу билан бирга, мутахассислар бир вақтлар ям-яшиллиги туфайли боғ-шаҳар номи билан машҳур бўлган Лаҳор аҳолисининг тез ўсиши туфайли ҳаво сифати ёмонлашганини таъкидламоқда.
Ҳозирда шаҳарда 11 миллиондан ортиқ киши истиқомат қилади.
