Соғлиқни сақлаш вазири тез ёрдам марказида "навбатчилик" қилди
Вазир беморларнинг қўнғироқларига жавоб бериб, шифокорларнинг айтилган манзилга юборган.
Соғлиқни сақлаш вазири А. Иноятов бугун тунда Республика тез тиббий ёрдам маркази Тошкент шаҳар станциясида бўлди. Бу ҳақда вазирлик Матбуот хизмати хабар бермоқда.
Дастлаб вазир Call-марказ иш-фаолияти билан танишиб, фуқаролардан “103” хизматига келиб тушган навбатдаги чақириқни қабул қилди. Мурожаат эгасининг шикоятларини тинглагач, энг яқин бўлган тез тиббий ёрдам бригадасини дарҳол ушбу манзилга юборди.
Маълумот учун: жорий йилнинг ўтган 10 ой давомида “103” рақамига жами 10 миллион 900 мингга яқин чақирув келиб тушган. Шундан 1 миллион 19 минг 841 нафар бемор шифохонага госпитализация қилинган.
