Ўрта Ер денгизида АҚШ ҳарбий вертолёти ҳалокатга учради
Вертолёт қулаши оқибатида беш нафар америкалик ҳарбий хизматчи ҳалок бўлди.
АҚШ мудофаа вазири Ллойд Остиннинг маълум қилишича, бир кун аввал авария оқибатида ҳалок бўлган америкалик беш нафар ҳарбий хизматчи ҳарбий вертолётнинг қулаши оқибатида ҳаётдан кўз юмган.
"Биз Ўрта Ер денгизида машқлар чоғида беш нафар америкалик ҳарбий хизматчининг фожиали ҳалок бўлганидан қайғурамиз", — дейилади Остин баёнотида.
Бир кун аввал авария ҳақида хабар берган Stars and Stripes нашри ҳам ўз мақоласига ўзгартиришлар киритди. ОАВ манбаларига кўра, Кипр қирғоқлари яқинида MH-60 вертолётининг қулаши оқибатида армия махсус кучларининг беш нафар аскари ҳалок бўлган.
Авария дастлаб 10 ноябрь оқшомида ҳарбий ҳаракатлар натижасида эмас, балки ҳавода ёнилғи қуйиш бўйича операция вақтида содир бўлгани хабар қилинган. Исроил ҲАМАСга қарши ҳарбий операция бошлаганидан сўнг, Қўшма Штатлар Яқин Шарқ минтақасида ҳарбий иштирокини оширди. Хусусан, у ерга USS Gerald Ford авиаташувчиси юборилган.
