Болгарияда футбол мухлислари тартибсизлик келтириб чиқарди
Намойишлар Болгария-Венгрия ўйини олдидан бошланган.
Болгария пойтахти Софиядаги тартибсизликлар оқибатида камида 14 киши жароҳат олди. Бир неча кишининг аҳволи оғир.
Болгария ва Венгрия терма жамоалари ўртасидаги футбол ўйини арафасида шаҳарда норозилик намойишлари бошланди. Намойишчилар полицияга тош отди, ахлат қутиларига ўт қўйди, дўкон ойналарини синдирди. Улар Болгария футбол иттифоқи раҳбариятининг истеъфосини талаб қилишди.
Воқеа жойига тез ёрдам ва ўт ўчирувчилар етиб келган. Полиция футбол мухлисларига қарши қалампир гази ва сув пуркагичлардан фойдаланган. Бир неча киши яраланган, ҳибсга олинганлар ҳам бор. Айни дамда шаҳардаги вазият ҳуқуқ-тартибот идоралари ходимлари назоратида.
