Ҳиндистон: ҳарбийлар туннелда қолиб кетган ишчиларни қутқармоқда
Уттаракханд штатида 15 кун давомида қулаган туннель остида қолиб кетган 40 дан ортиқ ишчини қутқариш операциясига армия қўшилди.
АҚШ томонидан етказиб берилган улкан Бурғулаш қурилмаси ишдан чиққач, туннель вайроналари остида қолиб кетган ҳиндистонлик ишчиларни қутқариш учун ҳарбий муҳандисларнинг ёрдами зарур бўлди.
Ҳиндистоннинг Уттаракханд штатида 15 кун давомида қулаган туннель остида қолиб кетган 40 дан ортиқ ишчини қутқариш операциясига армия қўшилди.
NDTV телеканалининг 26 ноябрь, якшанба куни хабар беришича, 24 ноябрь куни АҚШдан олиб келинган йирик Бурғулаш қурилмаси ишдан чиққач, ҳарбийларни жалб қилишга тўғри келган.
Қутқарувчилар Бурғулаш машинаси ёрдамида жабрланганларга етиб бориш учун 60 метр узунликдаги чуқур қазишга ҳаракат қилишган. Объектгача қолган 10 метр масофа энди ҳарбий муҳандислар томонидан қўлда бурғуланади. Кузатувчилар Рождество арафасида ишчилар вайроналар остидан чиқарилмаслигини тахмин қилмоқда.
“Бу операция узоқ вақт талаб қилиши мумкин. Тоғларда ишлаганда ҳамма нарсани олдиндан айтиб бўлмайди. Биз ҳеч қачон муддат ҳақида гапирмаганмиз”, — деди Табиий офатларни бошқариш миллий бошқармаси вакили Сайид Ата Ҳаснаин.
Қутқарувчилар махсус бурғуланган қудуқ орқали ишчилар билан алоқа ўрнатган. Бу орқали уларга озиқ-овқат ва дори-дармонлар юборилмоқда.
Эслатиб ўтамиз, Ҳиндистонда қулаган туннель остида 40 нафар ишчи қолиб кетганди. Кейинроқ маълум қилинишича, қутқарувчилар қулаган туннель ичидаги 41 нафар ишчига етиб бориш учун вайроналарнинг ярмини бурғулаганди.
