Роналду ва Бензема икки йил ичида илк бор учрашади
Бугун Саудия Арабистонида бизни кучли жанг кутмоқда.
"Ал-Иттиҳод" – "Ал-Наср" учрашуви Саудия Арабистони чемпионатининг жорий мавсумида энг кутилган учрашувлардан бири ҳисобланади. Ушбу ўйинда лиганинг икки юлдузлари - Карим Бензема ва Криштиану Роналду иштирок этади. Мавсум бошланишидан олдин уларнинг жамоалари чемпионликка давогарлар деб аталарди. Лекин ҳозирча чемпионат бутунлай бошқача шаклланмоқда.
“Ал Иттиҳод” Саудия Арабистонининг амалдаги чемпиони ҳисобланади. Ва ёзда, юлдузларнинг катта оқими тўлқинида, клуб бир нечта энг яхши ўйинчиларни сотиб олди. Асосий харид - Карим Бензема. Фабинё, НъГоло Канте, Луис Фелипе ва Жота ҳам "Ал-Иттиҳод"га етиб келишди. Клуб ҳеч бўлмаганда чемпионлик учун курашишга умид қилганди. Аввалига ҳаммаси яхши кетаётганди: етти турда олтита ғалаба, ОЧЛда яхши старт. Аммо кейин "Ал-Иттиҳод" қулаб тушди: чемпионатнинг еттита учрашувида фақат битта ғалаба қозонилди.
Бош мураббий Нуно Эспирито Санта ишдан бўшатилди, ОАВ мутахассис ва Бензема ўртасида можаро ҳақида хабар берди. Айтилишича, Нуно Каримни ишдан бўшатилишидан бироз олдин дангасаликда айблаган. Воқеа Осиё чемпионлар лигасининг 4-туридан ўрин олган "Ал-Қува"га (0:2) қарши ўйиндаги танаффус вақтида юз берди. Мураббий кийиниш хонасида Бенземага танбеҳ берган. Ушбу суҳбатдан бир кун ўтгач, Эспирито Санто ишдан бўшатилди. Унинг ўрнига "Ривер Плейт" билан икки марта Либертадорес кубогини қўлга киритган аргентиналик Марсело Галлардо келди.
Мураббий алмашинуви ҳозирча "Ал-Иттиҳод"га ёрдам бермади. Чемпионатда жамоа учта учрашувда икки марта мағлуб бўлган бўлса, клублар ўртасидаги жаҳон чемпионатининг иккинчи босқичида Мисрнинг "Ал-Аҳли" жамоасига имкониятни бой берди. "Ал-Иттиҳод" ОЧЛда плей-оффга ва Қирол кубогида чорак финалга чиқди. Аммо чемпионатда жамоа пешқадам "Ал-Ҳилол"дан 22 очкога ортда қолиб, олтинчи ўринда бормоқда. Нунонинг франциялик форвард ҳақида айтган гаплари эса ҳақиқат бўлиб чиқди. Бироқ, 100% ҳолатда бўлмаса ҳам, Бензема ниҳоятда хавфли. У барча мусобақаларда 19 та учрашувда 12 та гол урди ва 4 та голли узатмани амалга оширди.
Ўтган мавсумда "Ал-Наср" (Роналду билан бирга) чемпионатда иккинчи ўринни эгаллади. Ёзда клуб бир гуруҳ ажойиб юлдузлар билан шартнома имзолади: булар Садио Мане, Аймерик Лапорт, Марсело Брозович, Секо Фофана, Алекс Теллес ва Отавио. Роналду эса улар билан Яқин Шарқ ва бутун Осиёни забт этишга йўл олди.
Мавсум чемпионатдаги иккита мағлубият билан бошланди, аммо кейин "Ал-Наср" ғалаба қозониш йўлига ўтди. Жамоа Осиё чемпионлар лигасида гуруҳ босқичидан ўтди шунингдек, мамлакат кубоги ярим финалига йўл олди. Бироқ чемпионатдаги энг муҳим ўйинда пешқадам "Ал-Ҳилол"га имкониятни бой бериб қўйди (0:3). Айни дамда биринчи ўриндаги жамоа билан фарқ 10 очкони ташкил қилади. Роналду жамоасига чемпионликни қўлга киритиш учун қолган ўйинларни муваффақиятли иштирок этиш талаб қилинади.
Роналду Саудия Арабистонига келганида, афсонавий футболчининг фаолияти аста-секин пасайиши кутилганди. Ёшни ҳисобга олган ҳолда бу мантиқан тўғри. Лекин Криштиану мисолида эмас. Ахир, у ажойиб йилни ўтказди. Роналду 2023 йилда (25 декабрь ҳолатига кўра) дунёда энг кўп гол урган иккинчи футболчи бўлиб турибди. Унинг барча мусобақаларда урган голлари сони 51 тани ташкил этади. У бу муваффақиятга эришган тарихдаги ягона футболчи ҳисобланади.
Умуман олганда, Криштиану жорий мавсумда 23 та ўйинда 21 та гол урди ва 11 та голли узатмани амалга оширди. Даҳшатли рақамлар. Шу сабабдан ҳам бугунги баҳс ажойиб курашларга бой бўлади деган умиддамиз.
