New York Times Microsoft’ни судга берди
Суд қарори кейинги тергов ва АҚШ қонунчилигидаги ўзгаришлар учун намуна бўлиши мумкин.
New York Times газетаси OpenAI ва Microsoft'ни судга берди. Ноширлар уларни газетанинг миллионлаб мақолаларидан чатботларни синашда ёрдам бериш учун рухсатсиз фойдаланганликда айблади. Натижада ахборот манбаси сифатида газета билан рақобатлашадиган ва унинг аудиториясини ўғирлайдиган контент пайдо бўлмоқда.
Газета вакилларининг фикрича, бу муаллифлик ҳуқуқининг бузилишидир. Эндиликда улар онлайн контентлардан товон тўламасдан фойдаланишни тақиқлаш тарафдори.
Бу йирик медиакомпаниянинг сунъий интеллект моделларини яратувчиларни судга бериши бўйича биринчи ҳолат ҳисобланади.
Суд қарори кейинги тергов ва АҚШ қонунчилигидаги ўзгаришлар учун намуна бўлиши мумкин.
