Перуга 200 дан ортиқ қадимий артефактлар қайтарилди
Улар мамлакатга АҚШ, Германия, Бельгия, Канада ва Испания давлатларидан олиб келинган.
Перу ҳукумати дунё бўйлаб турли музей ва коллекционерлардан ўзига тегишли бўлган 200 дан ортиқ қадимий артефактларни муваффақиятли қайтариб олди.
Мамлакат ташқи ишлар вазирлигининг хабар беришича, ҳайкалтарошлик, кулолчилик ва тўқимачилик асбобларни ўз ичига олган баъзи объектларнинг ёши 2000 йилдан ошади.
Шунингдек, хабарда айтилишича, улар Перуга АҚШ, Германия, Бельгия, Канада ва Испания давлатларидан олиб келинган. Қадимий буюмлар орасида мамлакат ҳудудида ҳукмронлик қилган Инклар империяси маданиятининг ўнлаб ҳайкаллари ҳам бор бўлиб, бу ҳукумат томонидан тарихий ашёларни қайтариш бўйича олиб борилаётган ҳаракатларининг бир қисми ҳисобланади.
