Нодирбек Абдусатторов турнирда илк марта ютқазди
Нидерландиянинг Вейк ан-Зее шаҳрида шахмат бўйича Tata Steel Chess 2024 турнирида кеча 8-тур баҳслари ўтказилди.
Турнирнинг Мастерс гуруҳида иштирок этаётган ўзбекистонлик гроссмейстер Нодирбек Абдусатторов 8-турда россиялик Ян Непомняшчийга қарши қора доналарда ўйнади.
Еттинчи тур баҳсидан фарқли ўлароқ ҳамюртимиз бир нечта ноаниқ юришларни амалга оширди. Непомняшчий эса улардан фойдаланиб қолди. Нодирбек дурангга эришиш учун охиригача ҳаракат қилди, аммо Ян бунга имкон бермади.
Натижада Абдусатторов 4,5 очко билан тўртинчи поғонага тушди. Ҳамюртимиз пешқадамлардан атиги 0,5 очко ортда бормоқда.
Tata Steel Chess-2023да бугун дам олиш куни. Нодирбек эртага нидерлендиялик Йорден Ван Форрестга қарши оқ доналарда ўйнайди.
