Қашқадарёда ўқувчини калтаклаган ўқитувчига жиноий иш очилди
Ҳозирда у тергов қилинмоқда.
Аввалроқ ижтимоий тармоқларда Қашқадарё вилояти Китоб туманида мактаб ўқувчиси уни мактабда ўқитувчи калтаклагани ҳақида мурожаат қилиб чиққанди.
Унинг айтишича, у ўқийдиган 55-сонли мактабда информатика дарсида ўтирган вақтида ўқитувчи ўртоғини ҳақорат қилганлигини кўриб, устоз ҳаммани олдида тўғри иш қилмадингиз, деб айтган. Аммо, ўқитувчи уни ҳақорат қилиб, уриб тан жароҳати етказган.
Китоб туман Тиббиёт бирлашмаси Ш.Т.Б.Ё маълумотномасида ўқувчининг танасида бош мия чайқалиши, бошнинг юқори тепа юмшоқ тўқималарининг лат ейиши, бурун соҳаси юмшоқ тўқималаринг лат ейиши кўринишидаги тан жароҳатлари аниқланганлиги кўрсатилган.
Мазкур ҳолат юзасидан ЖКнинг 109-моддаси (қасддан баданга енгил шикаст етказиш) 2-қисми билан жиноят иши қўзғатилган ва ҳозирда жиноят иши бўйича тергов ҳаракатлари олиб борилмоқда.
