Буюк Британия қиролида саратон касаллиги аниқланди
Бу ҳақда Букингем саройи хабар берди.
Шифокорларнинг талабига кўра, Чарлз III фаолиятини вақтинча тарк этади, аммо бизнес ва ҳужжатлар билан ишлашда давом этади.
Букингем cарой баёнотида айтилишича, қирол ўзининг даволанишига оптимистик муносабатда бўлган ва барча давлат вазифаларига тўлиқ қайтишини интиқлик билан кутмоқда.
Қироллик вакили унинг саратон касаллигининг қайси турига чалинганини айтмади. Аммо у бу простата саратони эмаслигини таъкидлади.
Ўтган ҳафтада қирол простата бези катталашиши туфайли жарроҳлик амалиётидан сўнг касалхонадан чиққанди. Сарой бу патологияни зарарсиз деб атади.
