Токиода қалин қор ёғиши оқибатида 150 га яқин одам жабрланди
Ноқулай об-ҳаво сабаб 30 га яқин ички рейслар бекор қилинган.
Қутқарувчилар сешанба куни Токиода ёққан қор туфайли 130 дан ортиқ одам касалхонага етказилганини маълум қилди.
Кўпчилик қор ёғиши туфайли йиқилиб, жароҳатланган. Маълум қилинишича, шикастланганлар 4 ёшдан 92 ёшгача бўлган ва уларнинг аҳволи ҳаёт учун хавфли эмас.
Қўшни Канагава префектурасида 30 дан ортиқ, Сайтама префектурасида эса 50 дан ортиқ киши жароҳатланган.
JR East маълумотларига кўра, 6 та тезюрар поезд станцияларда йўловчилар 10 соатдан кўпроқ вақт давомида қолиб кетган. Бунинг натижасида 1 600 дан ортиқ йўловчилар тунда вагонларда тунашга мажбур бўлган. Улардан бирининг соғлиғи ёмонлашгани сабабли шифохонага етказилган.
Nippon Airways ва Japan Airlines 30 га яқин ички рейслар, асосан, Токионинг Ханэда аэропортидаги қатновларни бекор қилди.
Метеорология агентлиги маълумотларига кўра, душанба куни кечқурун Гумма префектурасидаги Маэбасида қор қалинлиги 11 см, Токио маркази ва Сайтама шаҳарларида эса 8 см бўлган.
