Зеленский Залужныйнинг ўрнига Сирскийни бош қўмондон этиб тайинлади
Сирский РСФСРда туғилган ва Москвадаги ҳарбий билим юртида ўқиган.
Украина президенти мамлакат Қуролли кучларининг бош қўмондони Валерий Залужныйни лавозимидан озод этди ва унинг ўрнига Украинанинг шарқий фронтдаги гуруҳи қўмондони, генерал-полковник Александр Сирскийни тайинлади.
“Генерал Залужныйга икки йиллик ҳимоя учун ташаккур билдираман. Мен биргаликда эришган ҳар бир ғалабамиз учун миннатдорман, бу урушни қаҳрамонларча бошдан кечирган барча украиналик аскарларга раҳмат. Бугун армияда нималарни ўзгартириш кераклиги ҳақида очиқ гаплашдик. Шошилинч ўзгаришларга муҳтожлигимиз сезилди. Мен генерал Залужныйга Украина давлати жамоасида қолиш ва биз билан бирга бўлишни таклиф қилдим”, — деган Зеленский.
Маълумот ўрнида: Сирский РСФСРда туғилган ва Москвадаги ҳарбий билим юртида ўқиган.
