Қашқадарёдаги мактабларда ҳижоб ечтириляптими?
Тармоқда тарқалган хабарларга расмий изоҳ берилди.
Қашқадарё вилояти Касби туманидаги мактабда ўқувчилар ҳижобини ечтириш топшириғи берилгани ҳақида хабарлар тарқалди. Вилоят мактабгача ва мактаб таълими бошқармаси бу бўйича маълумот берди.
Ҳолат Қашқадарё вилояти Мактабгача ва мактаб таълими бошқармаси ва соҳа масъуллари назоратига олинган.
“Умумий ўрта таълим мактаб (ДМТТ)лари ўқувчи (тарбияланувчи)ларидан мажбурий тартибда ҳижобни ечиши, суғурта тўловларига жалб этилиши (педагог ўқитувчиларга ҳам тегишли) ҳақида Қашқадарё вилояти Мактабгача ва мактаб таълими бошқармаси томонидан бирор-бир топшириқ берилмаганини маълум қиламиз”, — дейилади хабарда.
