АҚШнинг энг бой университети қайси?
Мамлакатнинг 688 та коллеж ва университетлари ўртасидаги рейтинг натижалари очиқланди.
Гарвард университети National Association of College and University Business Officers ҳамда Commonfund Institute томонидан тузилган АҚШнинг энг бой университетлари рейтингида биринчи ўринни эгаллади.
Форбес журнали маълумотларига кўра, Гарварднинг жамғарма фонди деярли 49,5 миллиард долларни ташкил қилган.
Иккинчи ўринда, бир оз ортда қолиш билан, қарийб 45 миллиард доллар жамғармаси билан Техас университети турибди. Таъкидланишича, Гарвардда Техас университетидан тахминан 10 баробар кам талабалар бор.
Энг бой таълим муассасалари бешлигига Ел (40,7 миллиард доллар), Стенфорд (36,5 миллиард доллар) ва Принстон (34,1 миллиард доллар) университетлари ҳам кирди. Ушбу рейтинг 1974 йилдан бери ҳар йили тузилади, деб ёзади журнал. Ҳаммаси бўлиб, рейтинг АҚШнинг 688 та коллеж ва университетини ўз ичига олади.
