Макрон Украинага ёрдамни кучайтиришга чақирди
Унинг фикрича, Россия янги ҳужумлар тайёрлаётган бўлиши мумкин.
Франция президенти Эммануэл Макрон Украинага ёрдамни кучайтиришга чақирди.
"Россия бу урушда ғалаба қозонмаслиги керак. Шунинг учун Украина тарафдорлари Киевга ёрдам бериш масаласида биргаликда ҳаракат қилишлари керак. Биз бугун ва эртага хавфсизлигимизни таъминлаш жараёнидамиз", — дея таъкидлади Макрон Парижда ўтказилган Украинага ёрдам бериш бўйича конференциядаги нутқида.
Унинг фикрича, Россия Федерацияси янги ҳужумлар тайёрлаётган бўлиши мумкин.
Шунингдек, Макроннинг сўзларига кўра, Европа давлатлари қўшинларини Украинага юбориш масаласи Ғарб давлатларининг Париждаги йиғилишида муҳокама қилинган, аммо келишувга эришилмаган.
Франция президенти ташаббуси билан Елисей саройида Европанинг 20 га яқин давлат ва ҳукумат раҳбарлари, жумладан, Германия канслери, АҚШ ва Канада вакиллари йиғилди. Украина президенти Владимир Зеленский мазкур конференцияда онлайн шаклда иштирок этди.
