Энди Телеграм канал админларига пул тўлайди
Бу ҳақда Павел Дуров маълум қилди.
Илова яратувчиси Павел Дуров Телеграм мессенжерида март ойидан монетизация тизими ишга тушишини маълум қилди. Унинг сўзларига кўра, Telegram Ads сервиси орқали олинган рекламалардан тушган даромаднинг 50 фоизи мессенжердаги канал эгаларига берилади.
Фақат даромад Телеграмънинг TON криптовалютаси орқали тўланади.
Павел Дуровнинг сўзларига кўра, Телеграм каналлари ҳар ойда триллион марта кўришни ҳосил қилади, бу кўришларнинг атиги 10 фоизи реклама орқали монетизация қилинади.
“Март ойида Телеграм реклама платформаси деярли 100 га яқин янги мамлакатлардаги барча реклама берувчилар учун расман очилади. Энди Телеграм каналлари эгалари ўз меҳнатлари учун пул мукофотларини олишни бошлашлари мумкин”, — деб ёзди Дуров.
